Ինչո՞վ են տարբերվում թեյի տարբեր տեսակները. news.am

Թեյն աշխարհում ամենաշատ օգտագործվող ըմպելիքներից մեկն է։ Կան թեյի բազմաթիվ տեսակներ եւ դրանց ընտրության հարցում կարելի է հեշտությամբ խճճվել։ Հետեւաբար պետք է իմանալ, թե ինչպես կարելի է տարբերակել թեյի տեսակները։

Ամենատարածվածը, իհարկե, կանաչ եւ սեւ թեյերն են. ի դեպ, կանաչ թեյը շատ ավելի օգտակար եւ առողջարար հատկանիշներ ունի, քանի որ ավելի քիչ ջերմամշակման է ենթարկվում, իսկ սեւ թեյն ունի հիանալի համ եւ կազդուրող ազդեցություն։

Դեղին թեյն իր պատրաստման տեխնոլոգիաներով շատ նման է կանաչ թեյին, սակայն վերջում այն մի քիչ ավելի շատ են եփում, որի արդյունքում թեյը կորցնում է իր սուր հատկությունները եւ ձեռք բերում դեղին երանգ։

Սպիտակ թեյ պատրաստելու համար հավաքում են ամենից դալար եւ ամենափոքր տերեւները, որոնք հետո շատ զգուշորեն չորացնում են, ինչը այս թեյին շատ նուրբ համ է հաղորդում։

Կարմիր թեյի յուրահատկությունն այն է, որ հատուկ մեթոդներով չորացնելուց բացի, այն մի փոքր բովում են, ինչն էլ թեյին հիանալի բույր եւ կարմիր երանգ է հաղորդում։

Հարցեր, պատասխաններ, մեկնաբանություններ